Azərbaycan Xarici İşlər Nazirliyi Çexiyaya başsağlığı verib. "Praqada Karlov Universitetində baş verən kütləvi atışma nəticəsində insan tələfatı bizi dərindən kədərləndirir. Həlak olanların ailələrinə başsağlığı verir və yaralananların tezliklə sağalmasını arzu edirik", - deyə nazirlikdən bildirilib. Praqanın mərkəzində tələbə David Kozak silahla universitetə gələrək, ətrafındakıları güllələyib. Hadisə Karlov Universitetinin dördüncü mərtəbəsində baş verib. Ən azı 15 ölü və 30-a yaxın yaralının olduğu bildirilir. Hadisə yerinə polisin gəldiyini görən Kozak özünü də güllələyib. Çexiya höküməti hadisənin terrorla əlaqəsi olmadığını açıqlayıb. Həlak olanların xatirəsinə dekabrın 23-ü matəm günü elan edilib.

Vüsalə Cənnətova