Vaşinqtonda Azərbaycan və Ermənistan xarici işlər nazirləri Ceyhun Bayramovla Ararat Mirzoyan görüşüb. Görüşün baş tutduğu məkanda nazirlərin ABŞ dövlət katibi Entoni Blinken ilə birgə görüşü də keçirilib. Nazirlər mümkün sülh müqaviləsinin elementləri ilə bağlı fikir mübadiləsi aparıb. Onlar danışıqları sürətləndirmək və yaxın həftələrdə daha bir görüş təşkil etmək barədə razılığa gəlib. Ceyhun Bayramov Azərbaycanın Azərbaycan-Ermənistan sülh sazişinin tezliklə bağlanmasına sadiqliyini ifadə edib və bu prosesi pozacaq hərəkətlərdən çəkinməyi qarşı tərəfin diqqətinə çatdırıb.