AZAL sərnişinlərə çağırış etdi: Çinə alınan biletlər cəriməsiz qaytarıla və ya dəyişdirilə bilər
2020-01-28 16:03
Çindəki epidemioloji vəziyyət səbəbindən “Azərbaycan Hava Yolları”nın 28 mart 2020-ci il tarixinədək bu ölkəyə yerinə yetirilən reyslərinə aviabilet əldə etmiş sərnişinlər uçuş tarixlərini dəyişdirə və yaxud aviabiletləri cərimə olunmadan geri qaytara biləcəklər. Bileti geri qaytarmaq, yaxud tarixini dəyişmək üçün kassaya müraciət oluna bilər. Onlayn alınan bilet üçün isə müştəri xidmətləri ilə əlaqə saxlamaq lazımdır. Fevral ayından Çinin paytaxtına reyslər dayandırılacaq və martın 8-dən etibarən yenidən fəaliyyətə başlayacaq.
Vüsalə Camal