2021-03-11 16:00

Əlaqələndirmə Qərargahının nəzdində fəaliyyət göstərən İdarələrarası Mərkəzin Iqtisadi məsələlər üzrə İşçi Qrupunun iclasında azad edilmiş ərazilərimizdə bərpa və yenidənqurma işlərində xarici şirkətlərin iştirakı məsələsi müzakirə edilib. Bildirilib ki, bu ərazilərdə sahibkarlıq fəaliyyəti ilə bağlı müraciətlərin qəbulu Kiçik və Orta Biznesin İnkişafı Agentliyi tərəfindən təmin olunur. İnvestisiya layihələrinin prioritetliyi təhlil olunur, potensial layihələr müəyyənləşdirilir və informasiya bazasına daxil edilir. Fiziki və hüquqi şəxslər tərəfindən indiyədək Agentliyə 53-ü 12 xarici ölkəni təmsil edən şirkətlər tərəfindən olmaqla, 409 müraciət daxil olub.

Vüsalə Camal