Azad olunmuş ərazilərdə 20 modul və konteyner tipli hərbi hissə istifadəyə verilib
2021-05-14 14:00
Müdafiə naziri general-polkovnik Zakir Həsənov azad edilmiş ərazilərdə yerləşən Hava Hücumundan Müdafiə Qoşunlarının bölmələrindən birində olub. Hava məkanımızın daha etibarlı qorunması, döyüş növbətçiliyinin keyfiyyətli təşkili ilə bağlı tapşırıqlar verib. Zakir Həsənov azad olunmuş ərazilərdəki hərbi hissələrdə bölmələrin təminatını və şəxsi heyətin döyüş hazırlığının səviyyəsini də yoxlayıb. Müdafiə nazirinə məruzə olunub ki, indiyədək müxtəlif istiqamətlərdə 9 modul və 11 konteyner tipli hərbi hissə istifadəyə verilib.
Nərgiz camal