İşğaldan azad edilmiş torpaqlarda, o cümlədən Şuşanın Daşaltı, Xocavəndin Edilli, Ağdamın Sırxavənd kəndləri, eləcə də Xocalının Fərrux kəndində və digər ərazilərdə kütləvi məzarlıqlar aşkarlanıb. Məzarlıqlardan Birinci Qarabağ müharibəsi dövründə itkin düşmüş şəxslərə məxsus olması ehtimal olunan 450-dən artıq insan meyitinin qalıqları çıxarılaraq ekshumasiya edilib. Həmin meyit qalıqları ilə bağlı 300-ə yaxın məhkəmə-tibbi və 280-dən artıq molekulyar-genetik ekspertizaları təyin olunaraq icraya yönəldilib. Eləcə də şahidlər dindirilib və digər zəruri istintaq-əməliyyat tədbirləri yerinə yetirilib.