Prezident İlham Əliyev tullantıların idarə olunmasının yaxşılaşdırılması ilə bağlı yeni fərman imzalayıb. Fərmana əsasən, Ekologiya və Təbii Sərvətlər Nazirliyinin yanında Tullantıların İdarə Edilməsi üzrə Dövlət Agentliyi yaradılıb. Bu qurum zibillərin yığılması, çeşidlənməsi, daşınması və emalı işlərinə nəzarət edəcək. Yeni Agentlik həmçinin tullantıların zərərsiz şəkildə məhv edilməsi və təkrar emal sisteminin inkişafı ilə məşğul olacaq. Bununla yanaşı, 2027–2030-cu illəri əhatə edən milli strategiya hazırlanacaq və Agentliyin fəaliyyəti üçün lazımi texniki təminat yaradılacaq.

14 may 2026