Azərbaycanda uzun illərdir sabitlik mövcuddur və bu, iqtisadi inkişafımızın əsas amillərindəndir. Prezident İlham Əliyev “Orta Dəhliz boyunca: geosiyasət, təhlükəsizlik və iqtisadiyyat” mövzusunda beynəlxalq konfransda qeyd edib ki, Azərbaycanın əlverişli coğrafi mövqedə, Avropa və Asiyanın qovuşuğunda yerləşməsinin üstünlüyü, əlaqələrin qurulmasında mühüm rol oynayıb. Dövlət başçısı Bakı-Tbilisi-Qars layihəsinin Gürcüstan seqmentinin genişləndirilməsinə investisiya yatırıldığını, konfransın regionun reallıqlarını, Azərbaycanın planlarını və qonşu dövlətlərlə münasibətləri daha yaxşı anlamağa imkan verəcəyinə diqqət çəkib.