2021-03-15 14:00

Azərbaycan üçtərəfli razılaşmaya uyğun olaraq öz öhdəliyini yerinə yetirib və bütün hərbi əsirləri Ermənistana qaytarıb. Bunu xarici işlər naziri Ceyhun Bayramov ATƏT-in fəaliyyətdə olan sədri, İsveçin xarici işlər naziri xanım Ann Lindenin Azərbaycana işgüzar səfəri çərçivəsində keçirilən birgə mətbuat konfransına deyib. Bayramov bildirib ki, hazırda Azərbaycanda saxlanılan ermənilər hərbi əsir hesab edilmirlər: “Həmin insanlarla bağlı Azərbaycan qanunvericiliyinə uyğun istintaq tədbirləri aparılır" - deyən nazir Azərbaycan tərəfindən Ermənistana təhvil verilən əsirlərin sayının Ermənistanın Azərbaycana verdiyi hərbi əsirlərin sayından qat-qat çox olduğunu sözlərinə əlavə edib.

Vüsalə Camal