Ümumdünya Səhiyyə Təşkilatının tövsiyəsinə uyğun olaraq, qrip əleyhinə peyvəndləmə prosesi oktyabrın ikinci həftəsindən etibarən başlayıb. Bu il ölkəyə Fransa istehsalı olan “Sanofi Pasteur” peyvəndləri gətirilib. TƏBİB-in Tibbi xidmətlərin inkişafı departamentinin rəhbəri Yaqut Qarayeva bildirib ki, peyvəndlər hazır halda gətirilib və tətbiqi rahatdır. Peyvəndləmə könüllü əsaslarla həyata keçirilir.