1 oktyabr 2026-cı ildən maliyyə və kredit əməliyyatları ilə bağlı yeni qaydalar tətbiq olunacaq. Bir şəxsin il ərzində elektron köçürmələri 20 min manata çatdıqdan sonra etdiyi növbəti köçürmələr barədə Maliyyə Monitorinqi Xidmətinə məlumat veriləcək. 20 min manat və daha çox nağd əməliyyatlar da məlumatlandırılacaq. Şübhəli əməliyyatlar isə məbləğindən asılı olmayaraq bildiriləcək. İstehlak kreditləri ilə bağlı da yeni qaydalar tətbiq olunacaq. Müştəri onlayn kredit götürülməsinə və kredit limitinin artırılmasına məhdudiyyət qoya biləcək. Onlayn kreditlər məbləğdən asılı olaraq 2 saat və ya 24 saat sonra veriləcək. Qaydalar banklarla yanaşı, bank olmayan kredit təşkilatlarına da şamil ediləcək.

30 sentyabr 2026