2020-11-19 16:03

Azərbaycanda yeni növ koronavirus infeksiyasına yüksək yoluxma dinamikası müşahidə olunduğundan karantin rejiminin müddəti uzadılıb, yeni qaydaların tətbiqinə qərar verilib. Noyabrın 21-dən ölkə ərazisində açıq havadakı ictimai yerlərdə də tənəffüs yollarını qoruyan fərdi vasitələrdən istifadə məcburi olacaq. Qaydaların pozulması İnzibati Xətalar Məcəlləsi ilə müəyyən edilən məsuliyyətə səbəb olur. Prezidentin köməkçisi Hikmət Hacıyev tibb işçilərinin əsgərlərimizin müalicəsinə cəlb olunduğunu nəzərə alaraq vətəndaşları tibbi maskalardan, dezinfeksiyaedici vasitələrdən istifadə, sosial məsafənin gözlənilməsi kimi vacib qaydalara daha ciddi şəkildə əməl etməyə çağırıb.

Vüsalə Camal