Azərbaycanda ilk koronavirusa yoluxma faktı qeydə alınıb
2020-02-28 16:00
Nazirlər Kabinetinin yanında operativ qərargah Azərbaycanda ilk koronavirus infeksiyasına yoluxma faktının qeydə alındığını təsdiq edir. Qərargahdan verilən məlumata görə, xəstələnən şəxs Rusiya vətəndaşıdır. İrandan ölkəmizə daxil olarkən onda xəstəliyin əlamətləri müəyyən olunub, həmin şəxs xəstəxananın xüsusi rejimli infeksion boksunda yerləşdirilib. Hazırda pasiyentin vəziyyəti sabitdir. Bundan başqa, virusun yayılmasının məhdudlaşdırılması və onun arzuolunmaz nəticələrə yol açmasının qarşısının alınması üçün xəstənin kontaktlarının müəyyən edilməsinə başlanılıb.
Vüsalə Camal