Azərbaycanda ilk dəfə 19 həftəlik hamilə qadının üzərində nadir və mürəkkəb uroloji əməliyyat uğurla həyata keçirilib.Əməliyyat Azərbaycan Tibb Universitetinin Tədris Cərrahiyyə Klinikasında aparılıb. 20 yaşlı qadının sağ böyrəküstü vəzisində 8 santimetrlik törəmə aşkarlanıb. Bu törəmə arterial təzyiqin kəskin yüksəlməsinə səbəb olub və həm ananın, həm də körpənin həyatı üçün təhlükə yaradıb. Oktyabrın 19-da professor Rauf Nağıyevin icra etdiyi əməliyyat laparoskopik üsulla həyata keçirilib.Əməliyyatdan iki gün sonra xəstə evə buraxılıb. Hazırda həm ananın, həm də bətnindəki körpənin vəziyyəti yaxşıdır.

23 oktyabr 2026