2020-11-10 12:09

Azərbaycanın tarixi zəfər sevincinə idman ictimaiyyəti də şərik olub. Müxtəlif növlərdə ölkəmizin şərəfini qoruyan idmançılar sosial şəbəkədəki səhifələrini qələbə fotoları ilə bəzəyiblər. Bu sevincə karyerasını ölkəmizdə davam etdirən legionerlər də qoşulublar. “Qarabağ”ın ispaniyalı futbolçusu Xayme Romero “10 noyabr – Zəfər günümüz!” yazılan şəkillə sevincimizə şərik olub. “Neftçi”nin braziliyalı oyunçusu Tallison Diaz işğal altında olan torpaqların geri alındığını əks etdirən xəritəni paylaşıb. Milliləşdirilmiş braziliyalı futbolçu Riçard Almeyda və kubalı boksçu Lorenzo Sotomayor da instaqram səhifəsindəki paylaşımları ilə sevindiklərini bildiriblər.

Vəfa Şairova