Azərbaycanla Hindistan arasında ticarət dövriyyəsi bu ilin ilk 9 ayında 600 milyon dollar təşkil edib.Xarici işlər naziri Ceyhun Bayramov hindistanlı həmkarı Subrahmanyam Cayşankarla Bakıda keçirdiyi birgə brifinqdə bildirib ki, ölkələr arasında iqtisadi əlaqələri genişləndirmək üçün böyük potensial var. Hazırda Azərbaycanda mindən çox Hindistan şirkəti fəaliyyət göstərir.Cayşankar isə Hindistanın Azərbaycanın Ermənistanla sülh prosesini alqışladığını bəyan edib.O, nəqliyyat dəhlizləri, birbaşa aviareyslərin sayının artırılması, investisiya və energetika sahələrində əməkdaşlığı müzakirə etdiklərini deyib.

23 oktyabr 2026