Azərbaycan təqribən 1200 erməni hərbi qulluqçusunun cəsədini qaytarıb
2020-01-26 14:00
Üçtərəfli bəyanat imzalanandan sonra Azərbaycanın dövlət sərhədini keçən 62 silahlı erməninin məqsədi Azərbaycan mövqelərinə hücum etmək idi. Onlar özləri ilə müəyyən texnika da götürmüşdülər. Prezidentin köməkçisi Hikmət Hacıyev "Atlantic Council"in virtual formatda müzakirəsində çıxışı zamanı onu da bildirib ki, bu şəxslər hərbi əsir deyil, onlar əsirlərin digər kateqoriyasına aiddir. "Bəyanat imzalanandan sonra Azərbaycan təqribən 1200 erməni hərbi qulluqçusunun meyitini erməni tərəfinə qaytarıb. Birinci Qarabağ müharibəsindən sonra 4000-dən çox azərbaycanlı hələ də itkin düşmüş hesab edilir və Ermənistan bu şəxslər barədə məlumat təqdim etməlidir” - deyə Hikmət Hacıyev sözlərinə əlavə edib.
Vəfa Şairova