“YAŞAT” fondu vasitəsilə 200 nəfərə yaxın həmvətənimiz Türkiyəyə müalicəyə göndərilib. Səhiyyə naziri Teymur Musayev Azərbaycan-Türkiyə Səhiyyə Biznes Forumu və sərgisinin açılış mərasimi zamanı bunu deyib. Nazir qeyd edib ki, hazırda 700-dən çox türk tələbə Azərbaycan Tibb Universitetində təhsil alır. Bununla yanaşı TURKOVAC vaksininin 3-cü faza sınaqları Azərbaycanda keçirilir. Nazir həmçinin hazırda xəstəxanaların təchizatının böyük əksəriyyətini Türkiyə istehsalı olan tibbi avadanlıq və alətlər təşkil etdiyini, Türkiyənin 1000-dən çox dərman vasitəsinin dövlət qeydiyyatından keçdiyini bildirib.