2020-12-09 16:00

Dağlıq Qarabağın tanınmasına gəldikdə isə, hamı bilir ki, hətta Ermənistan həmin qanunsuz strukturu tanımayıb. Buna görə, əgər hansısa ölkə Dağlıq Qarabağı tanımaq istəyirsə, onlar öz ölkəsinin daxilində müəyyən addımlar atsınlar. Onlar öz ölkəsində müəyyən ərazini ayıra bilər və Azərbaycanda yox, öz ölkəsində ikinci erməni dövlətini yarada bilər. Bunu Prezident İlham Əliyev İtaliya Xarici İşlər və Beynəlxalq Əməkdaşlıq Nazirliyinin nümayəndə heyətini qəbul edərkən deyib. Dövlət başçısı işğaldan azad olunan ərazilərin dirçəldilməsi üçün ilk müqavilələrin türk şirkətləri ilə bağlandığını bildirib. Növbəti müqavilələrin italyan şirkətləri ilə imzalanacağına ümidvar olduğunu vurğulayıb.

Fərid Mehdiyev