Azərbaycan Ordusunun yüksək çinli hərbçiləri şəhid olub
2020-07-14 14:05
Azərbaycan Ordusunun general-mayoru Polad Həşimov və polkovnik İlqar Mirzəyev qəhrəmancasına şəhid olublar. Cəbhə bölgəsində jurnalistlərin suallarını cavablandıran Müdafiə nazirinin müavini, general-leytenant Kərim Vəliyevin sözlərinə görə, bu, onu göstərir ki, bizim generallar və yüksək rütbəli zabitlər əsgərlərin arxasında gizlənmirlər, döyüş tapşırıqlarını ləyaqətlə yerinə yetirirlər. Düşmən hücumunun qarşısını alarkən döyüşdə Azərbaycan Ordusunun 2 mayoru, 2 giziri və 1 əsgəri də şəhid olub. “Təəssüf ki, döyüşlər itkisiz olmur. Müdafiə Nazirliyinin rəhbərliyi adından şəhidlərimizə rəhmət, onların ailələrinə səbr diləyirik", - deyə nazir müavini bildirib. Hazırda döyüşlər davam edir.
Vəfa Şairova