2020-11-14 10:08

Futbol üzrə Azərbaycan millisi növbəti oyununu keçirəcək. Canni De Byazinin baş məşqçi olduğu komanda UEFA Millətlər Liqasının V turunda Monteneqronu qəbul edəcək. Bunadək 4 xal toplaya bilən yığma xal itirəcəyi təqdirdə qrup qalibi olmaq imkanından məhrum olacaq. Qazanılacaq 3 xal isə komandanın C Liqasında qalmasını rəsmiləşdirəcək. Yığma qələbə qazana bilməsə də bu liqada qalması mümkündür. C Liqasının 1-ci qrupundakı qarşılaşma ölkədəki hərbi vəziyyətlə əlaqədar Xorvatiyanın Zapreşiç şəhərindəki Ivan Laljak-Iviç stadionunda saat 21-də baş tutacaq. Qrupun digər görüşündə Kipr Lüksemburqu qəbul edəcək.

Vüsalə Camal