2020-06-18 16:04

Sərhəd Qoşunlarının Cəlilabadın Kürünc kəndindəki sərhəd zastavasının xidməti ərazisində 3 nəfər naməlum şəxsin İrandan Azərbaycan istiqamətində dövlət sərhədini pozması sərhəd naryadı tərəfindən aşkar olunub. “Dayan” əmri verilərək havaya xəbərdarlıq atəşi açılıb. Lakin sərhəd pozucuları avtomat silahdan və “Vinçester” tipli tüfəngdən atəş açaraq sərhədçilərin həyatına qəsd ediblər. Həmin şəxslərdən biri güllə yarası alıb və İran ərazisinə qaçmaq məqsədilə “Bolqarçay”ı keçərkən suda ölüb. Digər sərhəd pozucuları geri qaçıb və İran sərhədçiləri tərəfindən öz ərazilərində saxlanılıb.

Vüsalə Camal