2021-05-24 10:10

“Düşünürəm ki, qardaş Azərbaycan işğaldan azad etdiyi ərazilərdə real turizm potensialını yaxşı dəyərləndirəcək”. Bunu Türkiyənin mədəniyyət və turizm naziri Mehmet Nuri Ersoy bildirib. Onun sözlərinə görə, rəhbərlik etdiyi nazirliyin baş idarələri və qurumun nəzdində fəaliyyət göstərən Türk Əməkdaşlıq və Koordinasiya Agentliyinin əməkdaşları bir neçə həftəyə mədəni-tarixi və arxeoloji yerlərin, abidələrin və xüsusi nöqtələrin restavrasiyası üçün işğaldan azad edilən ərazilərə ezam olunacaq və azərbaycanlı mütəxəssislərlə birlikdə fəaliyyət göstərəcəklər. "Azərbaycanın Qarabağdakı yüksək turizm potensialını ən əlverişli formada dəyərləndirməsi üçün hər zaman dəstək olacağıq” - deyə nazir vurğulayıb.

Vüsalə Camal