Azərbaycan gimnastları martın 26-28-də Bolqarıstanın paytaxtı Sofiyada Dünya kubokunda iştirak edəcəklər
2021-03-17 12:10
Azərbaycan gimnastları martın 26-28-də Bolqarıstanın paytaxtı Sofiyada Dünya kubokunda iştirak edəcəklər. Beynəlxalq Gimnastika Federasiyasından bildirilib ki, fərdi proqramda Azərbaycanı iki gimnast - Nərminə Səmədova və Arzu Cəlilova təmsil edəcək. Qrup hərəkətlərdə isə Ləman Əlimuradova, Zeynəb Hümmətova, Yelizaveta Luzan, Məryəm Səfərova və Darya Sorokina mübarizə aparacaqlar.
Nərgiz Camal