Azərbaycan elektrik enerjisinin böyük istehsalçısı və ixracatçısı olacaq. Prezident İlham Əliyev
2021-03-15 14:10
Azərbaycan elektrik enerjisinin böyük istehsalçısı və ixracatçısı olacaq. Böyük potensial işğaldan azad edilmiş ərazilərdədir. Günəş, külək enerji növlərinin istehsalı təxminən 9-10 min meqavata çata bilər. İlkin addımlar da atılır, bp şirkəti ilə generasiya gücü 200 meqavatdan çox olan günəş elektrik stansiyasının inşası ilə bağlı danışıqlar gedir. Bunu Birləşmiş Ərəb Əmirliklərinin “Masdar” şirkəti tərəfindən Azərbaycanda inşa ediləcək Qaradağ Günəş Elektrik Stansiyasının Gülüstan sarayında təməlqoyma mərasimində iştirak edən Prezident İlham Əliyev bildirib. Dövlət başçısı Birləşmiş Ərəb Əmirliklərinin energetika və infrastruktur naziri Suhail Al Mazroueinin başçılıq etdiyi nümayəndə heyətini də qəbul edib.
Vüsalə camal