2021-02-21 14:09

Azərbaycan Avropa İttifaqının minaların təmizlənməsi prosesinə verəcəyi dəstəyi təqdir edir. Avropa İttifaqının Cənubi Qafqaz üzrə xüsusi nümayəndəsi Toivo Klaar ilə görüşdə Prezident İlham Əliyev birinci Qarabağ müharibəsi zamanı itkin düşmüş şəxslərin taleyinin və onların basdırıldığı kütləvi məzarlıqların müəyyən edilməsi məsələsində Ermənistanın konstruktiv davranmasının vacibliyini diqqətə çatdırıb. Görüşdə, Ermənistan-Azərbaycan arasında kommunikasiyaların bərpası, sərhədlərin delimitasiyası və digər prinsipial məsələlərə dair ətraflı fikir mübadiləsi aparılıb. Dövlət başçısı Avropa İttifaqı ilə Azərbaycan arasında əməkdaşlığa dair saziş üzrə danışıqların tez bir zamanda yekunlaşdırılması üçün müvafiq qurumlara tapşırıqların verildiyini diqqətə çatdırıb.

Nərgiz camal