2020-10-05 11:00

Bu gün səhər saatlarında Azərbaycan Hava Hücumundan Müdafiə Qüvvələri Ermənistanın Cermuk, Qafan və Berd rayonları ərazisindəki start mövqelərindən Azərbaycan ərazisinə atılan raket buraxılışını qeydə alıb. Müdafiə Nazirliyi bildirir ki, cəbhə boyu sıxışdırılan düşmən bir neçə gündür ki, Ermənistan ərazisindən Azərbaycan ərazisində əhalinin kompakt yaşadığı məntəqələrə, mülki infrastruktura raket zərbələri endirir. Ermənistan müdafiə nazirliyi Azərbaycan ərazisinin Ermənistandan atəşə tutulmasını inkar edir və bunun işğal olunmuş ərazilərimizdən həyata keçirildiyini bildirir. Ermənistanın bu cür məsuliyyətsiz və cinayətkar hərəkəti məqsədyönlü şəkildə Azərbaycanı cavab tədbirləri görməyə təhrik edir.

Nərgiz Camal