Azərbaycan öz vətəndaşlarının İrandan təxliyəsi üçün uçuş reysi təşkil edir
2020-03-02 10:00
Fevralın 29-da İran İslam Respublikası ilə Azərbaycan arasında sərhədin müvəqqəti bağlanması ilə əlaqədar hazırda İranda olan Azərbaycan vətəndaşlarının ölkəyə qayıtmasını təmin etmək üçün müvafiq tədbirlər həyata keçirilir. Bu məqsədlə martın 4-də İrandan Azərbaycana uçuş reysi təşkil olunacaq və xüsusi dəhliz vasitəsilə vətəndaşların ölkəyə qayıtması təmin olunacaq. Azərbaycana gəlmək istəyənlərin ölkəmizin Tehrandakı Səfirliyi və Təbrizdəki Baş konsulluğu ilə əlaqə saxlayaraq qeydiyyatdan keçmələri xahiş olunur.
Fərid Mehdiyev