Azərbaycan çempionu “Qarabağ” avrokuboklarda növbəti oyununu keçirib
2020-12-04 10:01
Azərbaycan çempionu “Qarabağ” avrokuboklarda növbəti oyununu keçirib. Ağdam təmsilçisi İstanbulda İsrailin “Makkabi” klubu ilə görüşüb. İlk 4 görüşdə uduzduqdan sonra İ qrupunda sonuncu yeri tutduğu rəsmiləşən "Qarabağ" ilk xalını qazanıb. Baş məşqçi Qurban Qurbanov və əsas heyətin bir sıra üzvləri koronavirusa yoluxduğu üçün qardaş ölkəyə böyük itkilərlə yollanan “köhlən atlar” oyundan 1:1 hesablı sülhlə ayrılıblar. Qrupun digər oyununda “Sivasspor” Türkiyədə “Vilyareal”ı qəbul edib. İspaniya təmsilçisi 1 qolla səfər qələbəsi qazanıb. “Qarabağ” qrupda son oyununu dekabrın 10-da keçirəcək. Ağdamlılar İspaniyada “Vilyarreal”ın qonağı olacaqlar.
Nərgiz Camal