2020-10-04 17:06

Azərbaycanın Xarici İşlər naziri Ceyhun Bayramov və ATƏT-in Minsk Qrupunun Fransadan həmsədri Stefan Viskonti arasında telefon danışığı baş tutub. Azərbaycanın Xarici İşlər nazirinin təşəbbüsü ilə keçirilən danışıqlarda Ceyhun Bayramov, fransız həmsədrinə bölgədəki artan gərginlik, xüsusən də Ermənistanın azərbaycanlı mülki şəxslərini və obyektlərini qəsdən atəşə tutması barədə məlumat verib. Nazir, təmas xəttindən uzaqda yerləşən Azərbaycanın ikinci ən böyük şəhəri olan Gəncəni hədəfə çevrilməsinin mülki əhali arasında itki və infrastrukturun məhv olması ilə nəticələndiyini vurğulayıb. Stefan Viskonti, bölgədəki gərginliyin artmasından ciddi narahatlığını ifadə edib və atəşkəsə əməletmənin əhəmiyyətini vurğulayıb.

Fərid Mehdiyev