Azərbaycanın nəqliyyat və logistika infrastrukturu ECO-nun üzv dövlətləri üçün açıqdır. Azərbaycan ECO-nun Təmiz Enerji Mərkəzinin ev sahibi kimi rəsmi olaraq təsdiqlənib. Daşkənddə İqtisadi Əməkdaşlıq Təşkilatının 16-cı Zirvə toplantısında çıxış edən Prezident İlham Əliyev belə deyib. Dövlət başçısı Azərbaycanın ECO-nun üzv dövlətləri ilə ikitərəfli və çoxtərəfli əməkdaşlığı daha da genişləndirməkdə qərarlı olduğunu bəyan edib. Prezident İlham Əliyev tarixi qələbə münasibətilə Azərbaycanı təbrik edən ECO-nun üzv dövlətlərinə təşəkkürünü də bildirib. Təşkilatın növbəti sammiti Azərbaycanda keçiriləcək.

Lalə Nəsib