2021-10-18 10:10

Bu gün Azərbaycanda Müstəqilliyin Bərpası Günüdür. 1991-ci il oktyabrın 18-də Ali Sovetin qəbul etdiyi “Azərbaycanın dövlət müstəqilliyi haqqında” Konstitusiya Aktınında Azərbaycan Respublikasının Xalq Cümhuriyyətinin varisi olduğu təsbit edilib. Artıq Azərbaycanın müstəqilliyinin bərpa edilməsinin 30 ili tamam olur. Parlamentin 15 oktyabr 2021-ci il tarixli plenar iclasında “Müstəqillik Günü haqqında” yeni qanun qəbul edilib. Prezident İlham Əliyev tərəfindən qanunun təsdiqlənməsi ilə mayın 28-i Müstəqillik Günü, oktyabrın 18-i isə Müstəqilliyin Bərpası Günü elan edilib. Bu gün iş günü olan bayram sayılır.

Nərgiz camal