Azərbaycan Respublikasının müdafiə naziri general-polkovnik Zakir Həsənov Türkiyə Respublikasının milli müdafiə naziri cənab Yaşar Gülerə başsağlığı verib. Başsağlığında deyilir: "Türkiyə Respublikasına məxsus F-16 qırıcı təyyarəsinin qəzaya uğraması nəticəsində bir hərbi qulluqçunun həlak olması haqqında xəbər məni dərindən kədərləndirdi.Həlak olan hərbi qulluqçuya Allahdan rəhmət diləyir, yaxınlarının dərdlərinə şərik olur, ailəsinə dərin hüznlə başsağlığı verirəm. Allah rəhmət eləsin". Qeyd edək ki, Türkiyənin Balıkesir vilayətində F-16 hərbi təyyarəsi qəzaya uğrayıb. A Haberin məlumatına görə, Balıkesir valisi İsmail Ustaoğlu təyyarənin avtomagistral kənarına düşdüyünü bildirib.İlkin məlumata əsasən, qəza nəticəsində bir pilot şəhid olub. Araşdırma aparılır.

25 fevral 2026