Azərbaycanın ictimaiyyət nümayəndələri Rusiya səfirliyinə müraciət ünvanlayıb
2021-04-24 14:00
Azərbaycan ictimaiyyətinin nümayəndələri Rusiyanın ölkəmizdəki səfirliyinə müraciət ünvanlayıblar. "Bəzi mənbələrdən alınan məlumata görə, Qarabağda əvvəllər mövcud olmuş, Ermənistan tərəfindən yaradılmış qanunsuz işğalçı rejimin başçısı Araik Arutyunyan Moskvaya dırnaqarası “şəxsi səfər”ə gedib. Arutyunyan sərhəddən keçmək üçün mənşə ölkəsi – Azərbaycan tərəfindən verilmiş hüquqi qüvvəyə malik olan sənəd təqdim etməlidir. Bu normalara riayət edilibmi? Arutyunyanın Moskvaya budəfəki səfəri Azərbaycan ilə Rusiyanın ikitərəfli münasibətlərinin hərfi mənasına və ruhuna ziddir.", - deyə müraciətdə qeyd edilib.
Nərgiz Camal