2020-11-05 15:01

Azərbaycan boksçusu Məhəmmədrəsul Məcidovun peşəkar rinqdəki növbəti rəqibi bəlli olub. Həvəskarlar arasında üçqat dünya çempionu olan idmançımız 3-cü döyüşünü noyabrın 27-də keçirəcək. Ağır çəkidə mübarizə aparan Məhəmmədrəsul Puerto-Riko təmsilçisi Sahret Delqado ilə görüşəcək. 8 raundluq qarşılaşma ABŞ-da təşkil olunacaq. İndiyədək iki peşəkar döyüş keçirən Məcidov Ed Funten və Tom Littlə qalib gəlib. Onun rəqibinin hesabında isə 8 qələbə var.

Vəfa Şairova