2020-01-12 10:00
Moskvada Rusiya Prezidenti Vladimir Putin, Azərbaycan Prezidenti İlham Əliyev və Ermənistanın baş naziri Nikol Paşinyan arasında üçtərəfli görüş keçirilib. Azərbaycan Prezidenti, Ermənistanın baş naziri və Rusiya Prezidenti Bəyanat imzalayıblar. 4 bəndlik bəyanatda 2020-ci il 9 noyabr tarixli Bəyanatın 9-cu bəndinin regionda bütün iqtisadi və nəqliyyat əlaqələrinin bərpası ilə bağlı hissəsinin reallaşdırılması məqsədilə Rusiya Prezidentinin, Azərbaycan, Ermənistan baş nazirləri müavinlərinin və Rusiya Hökumətinin sədr müavininin birgə həmsədrliyi ilə üçtərəfli İşçi qrupu yaradılması barədə təklifi dəstəklənir. İşçi qrupu yanvarın 30-dək ilk iclasını keçirməli, işlərin əsas istiqamətlərinin siyahısını formalaşdırmalı, martın 1-dək tədbirlərin siyahısını və reallaşdırılması qrafikini Tərəflərin yüksək səviyyədə təsdiqləməsi üçün təqdim etməlidir. Rusiya Prezidenti, Azərbaycan Prezidenti və Ermənistanın baş naziri mətbuata bəyanatla çıxış ediblər.
Vüsalə Camal