2020-11-25 14:06
Ermənistandan fərqli olaraq, Azərbaycan yaxşı təchiz olunmuş, peşəkar və güclü bir orduya sahibdir. Ərazimizin bütövlüyünü qorumaq üçün kənar silahlı qüvvələrə və nizamsız qruplaşmalara ehtiyacımız yoxdur. Bu sözləri Xarici işlər naziri Ceyhun Bayramov Fransanın “Le Point” jurnalına müsahibəsində söyləyib. O həmçinin qeyd edib ki, Azərbaycan Silahlı Qüvvələrinin əks-hücum əməliyyatları beynəlxalq humanitar hüquqa uyğun olaraq həyata keçirilib. Əhali, məktəb və ya xəstəxana kimi mülki infrastruktur hədəfə alınmayıb. Azərbaycan ordusu legitim hərbi hədəflərə cavab verməklə məhdudlaşıb. Azad edilmiş ərazilərdəki bütün dini-tarixi abidələrin gəldikdə isə onlar dövlət tərəfindən qorunacaqdır. Xarici işlər naziri "Dağlıq Qarabağın hər iki icması Azərbaycanın ərazi bütövlüyü çərçivəsində sülh və təhlükəsizlik şəraitində birgə yaşaya bilər" - deyə bildirib.
Nərgiz Camal