Azərbaycan Avropa İttifaqını regionda sülh səylərini sarsıdan qərəzli bəyanatlardan çəkinməyə çağırıb. Xarici İşlər Nazirliyinin sözcüsü Ayxan Hacızadə Avropa İttifaqı Komissiyasının vitse-prezidenti Cozep Borrelin açıqlamalarına münasibət bildirib. "Azərbaycan 2020-ci il müharibəsindən sonra hərbi əsir statusu olan və ya saxlanılan şəxs hesab edilən 200 nəfərdən artıq ermənini azadlığa buraxıb və repatriasiya edib. Həbsdə qalan müharibə cinayətkarları ağır cinayətlərdə ittiham olunur, ya da artıq məhkum ediliblər. Yerli erməni əsilli şəxslər isə ölkəmizi Azərbaycanın reinteqrasiya çağırışına baxmayaraq tərk etmək qərarına gəliblər", - deyə Ayxan Hacızadə qeyd edib.

Vüsalə Cənnətova