Avtomobillərdən akkumulyator oğurlayan qardaşlar saxlanılıblar
2020-03-09 14:04
Biləsuvarda Xırmandalı kənd sakininə məxsus “KamAZ” markalı maşından ümumi dəyəri 560 manat olan 2 ədəd akkumulyator oğurlayanlar tutulublar. Lənkəran sakinləri, əvvəllər məhkum olunmuşlar Samit Abdullayev və qardaşı Samir Rəhimov, Ağdam sakini Elnur Ağayevin Cəlilabad və Salyanda daha 3 yük avtomobilindən və bir traktordan ümumilikdə dəyəri 3320 manat olan akkumulyator oğurladıqları da müəyyən edilib. Hazırda onların digər bu kimi oğurluqlarda iştirakının olub-olmadığı araşdırılır.
Nərgiz Camal