Avtomobil divara çırpılıb, sürücünün vəziyyəti ağırdır
Lənkəran rayonunun Girdəni kəndində avtoqəza olub. Masallı rayon Həsənli kənd sakini 1960-cı il təvəllüdlü Məhəmmədhüseyn Fərəcovun avtomobili idarəetmədən çıxaraq yol kənarındakı divara çırpılıb. Zərbənin təsirindən avtomobil deformasiyaya uğrayıb. Sürücü avtomobildən çıxarılaraq təcili yardım avtomobil ilə xəstəxanaya çatdırılıb, vəziyyəti ağır qiymətləndirilir. Faktla bağlı araşdırma aparılır.
Fərid Mehdiyev