2021-11-27 14:07

Paytaxtın Binəqədi rayonu ərazisində 114 saylı marşrut xətti üzrə hərəkət edən avtobusun sürücüsünə hücum edilib. 30-35 yaşlı şəxs Hökməli dairəsi yaxınlığında avtobusun dayanacaqdan kənarda saxlamasını tələb edib. Nəqliyyat vasitəsi bir qədər öndə yerləşən dayanacağa çatıb saxladıqdan sonra həmin şəxs qaçaraq avtobusa daxil olub və sürücünü təhqir edərək onu döyməyə, zərbələr endirməyə başlayıb. Xuliqanlıq əməlinə davam edən şəxs sürücünün başını avtobusun ön şüşəsinə vuraraq partladıb. Sərnişinlərin müdaxiləsindən sonra xuliqanlıq edən şəxs nəqliyyat vasitəsindən endirilib. Faktla bağlı araşdırma aparılır.

Nərgiz camal