2020-12-15 10:04

Avstriya hərbçiləri koronavirusa yoluxmuş insanların istifadə etdiyi tibbi maskaların vasitəsilə SARS-CoV-2 virusunu aşkar etmək üçün təlim keçmiş ilk xidməti iti təqdim ediblər. “Fantasy Forever” adlı Belçika çoban iti itlərin koronavirusa yoluxmuş insanları sağlam insanlardan ayırmaq qabiliyyətinin yoxlanılması üçün hazırlanan hərbi tədqiqat proqramında iştirak edir. Görülən işlərin nəticəsi olaraq heyvanın koronavirusa yoluxmuş xəstənin tibbi maskasını qoxu ilə təyin etmək qabiliyyəti təsdiqlənib. Hazırda ikinci xidməti it sınaqların birinci mərhələsini başa vurur və ilin sonunadək bu bacarıqla daha iki itin yetişdirilməsi planlaşdırılır.

Vüsalə Camal