Avropa çempionu olan cüdoçumuz qalibiyyətini əsgər salamı ilə qeyd edib
2020-11-20 10:04
Çexiyanın paytaxtı Praqada keçirilən Avropa çempionatında Azərbaycan cüdoçusu Orxan Səfərov final görüşünə çıxıb. İdmançımız finala qədərki yolda İtaliya, Slovakiya, Almaniya və Serbiya cüdoçularını məğlubiyyətə uğradıb. 66 kq çəki dərəcəsində tatami üzərinə çıxan idmançı finalda İsrail təmsilçisi Fliker Tal ilə üz-üzə gəlib. Qarşılaşmada rəqibinə ipponla qalib gələn Səfərov qızıl medal qazanıb. Kürsünün ən yüksək pilləsinə qalxan cüdoçumuz qələbəni əsgər salamı ilə qeyd edib. Avropa çempionatında bu gün Azərbaycanın 3 cüdoçusu tatamiyə çıxacaq.
Fərid Mehdiyev