AVRO-2020-nin oyunları Bilbao və Dublindən alındı
2021-04-23 16:10
UEFA Koronavirus pandemiyası səbəbindən Bilbao və Dublinin AVRO-2020-nin oyunlarını keçirə bilməyəcəyinə görə təşkilatçılıq hüququnu bu şəhərlərdən alıb. Anoloji səbəbdən eyni problemlə üzləşən Almaniyanın Münhen şəhəri isə yaranan çətinliklərə baxmayaraq ev sahibi kimi təsdiq olunub. Bilbaonun yerinə matçları İspaniyanın Sevilya şəhəri təşkil edəcək. İrlandiyanın paytaxtı Dublində keçirilməli olan qarşılaşmalar isə Rusiyanın Sankt-Peterburq şəhərinə həvalə olunub. Dublin və Bilbao E qrupunun oyunları ilə yanaşı, 1/8 final mərhələsinin 1 matçına da ev sahibliyi etməli idi.
Fərid Mehdiyev