Ata və oğlu ov tüfəngi ilə vuruldu
2020-07-30 10:08
Masallı rayonunda qonşular arasında güllələnmə hadisəsi baş verib. Rayonun Əhmədli kəndində kənd sakini, 54 yaşlı Hafiz Cəfərov qonşuları – 31 yaşlı Vüqar İsmayılov və onun atası, 60 yaşlı Valeh İsmayılova ov tüfəngindən 2 güllə atıb. Yaralılar Lənkəran Rayon Mərkəzi Xəstəxanasına yerləşdirilib. Biri qol, digəri isə diz nahiyəsindən yaralanan ata və oğulun vəziyyəti orta-ağırdır. Ailə münaqişəsi zəminində baş verən hadisəni törədən şəxs polis tərəfindən saxlanılıb.
Nərgiz Camal