2020-10-05 11:07

"Liverpul" komandasının qapıçısı Alisson Beker çiynindən zədələndiyi üçün "Aston Villa" ilə İngiltərə Premyer Liqasının IV tur matçında oynaya bilməyib. "Qırmızılar"ın baş məşqçisi Yurgen Klopp açıqlamasında deyib ki, braziliyalı qolkiper məşq zamanı komanda yoldaşı ilə toqquşma nəticəsində xəsarət alıb. 28 yaşlı qapıçı Braziliya yığmasının heyətində Boliviya və Peru ilə DÇ-2022-nin seçmə qarşılaşmalarını buraxmalı olacaq. Bu mövsüm Beker "Liverpul"un heyətində 4 oyuna 5 qol buraxıb. Komandası onun yoxluğunda "Aston Villa"ya 2:7 hesabı ilə uduzub.

Nərgiz Camal