2021-03-30 10:09

10 dekabr 2020-ci il tarixində Bakı şəhərində imzalanmış “Azərbaycan Respublikası Hökuməti ilə Türkiyə Respublikası Hökuməti arasında qarşılıqlı olaraq vizadan azad etmə haqqında protokol 1 aprel 2021-ci il tarixində qüvvəyə minir. Bu barədə XİN-dən bildirilib. Qeyd olunan tarixdən etibarən Azərbaycan vətəndaşları diplomatik, xidməti və ümumvətəndaş pasportları, eləcə də Azərbaycan Respublikası vətəndaşının biometrik şəxsiyyət vəsiqəsi ilə Türkiyəyə vizadan azad şəkildə səyahət edə biləcəklər. Azərbaycan tarixində ilk dəfə şəxsiyyət vəsiqəsinin sərhədkeçmə sənədi kimi istifadə olunmasına dair Türkiyə ilə müqavilə imzalayıb. "Bu iki ölkə arasında mövcud olan dostluq, qardaşlıq və yüksək səviyyəli strateji tərəfdaşlıq münasibətlərinin bariz təcəssümüdür" deyə XİN-nin məlumatında qeyd olunur.

Vüsalə Camal