2020-12-08 12:06

Koronavirusa yoluxan şəxslərin evdə antibiotiklərdən, hormonal preparatlardan, yüksək dozalı müxtəlif vitamin preparatlarından, infuzion mayelərdən tibbi göstərişlər olmadan və nəzarətsiz istifadə olunması fəsadlara yol açaraq faciəvi sonluqla bitə bilər. Səhiyyə Nazirliyinin baş infeksionisti Təyyar Eyvazovun sözlərinə görə, virusa yoluxmuş və xəstələnmiş insanların böyük əksəriyyəti xəstəliyi yüngül keçirir. Bu, bir çoxlarında yalnış təəssurat yaradır ki, hər şey müvəqqəti və fəsadsız keçib gedəndir. Ona görə də ən düzgün yol özündə hərarətin yüksəlməsi, əzginlik, zəiflik, əzələ ağrıları, quru öskürək, boğaz ağrısı və s. kimi əlamətlər hiss edən şəxsin həkimə müraciət etməsidir.

Nərgiz Camal