Çexiyanın Baş naziri Andrey Babiş Qəbələdə keçirilən biznes forumda bəyan edib ki, Azərbaycan ölkəsi üçün strateji tərəfdaşdır. Baş nazir bildirib ki, Azərbaycan Avropa İttifaqına üzv olmayan ölkələr arasında onun ilk səfər etdiyi dövlətdir. Onun sözlərinə görə, tərəflər birgə iqtisadi komissiyanın yaradılması, investisiya layihələri və biznes əməkdaşlığının genişləndirilməsi istiqamətində razılığa gəlirlər. Andrey Babiş həmçinin vurğulayıb ki, Azərbaycan Çexiyanın xam neft üzrə əsas təchizatçısıdır və enerji sahəsində əməkdaşlıq xüsusi əhəmiyyət daşıyır. Qeyd edək ki, Çexiyanın Baş naziri Andrey Babişin Azərbaycana rəsmi səfəri aprelin 28-də başa çatıb.

28 aprel 2026