2020-05-12 18:00
“Azərbaycan Milli Elmlər Akademiyasının doktorantura və dissertanturasının boş qalan plan yerlərinə qəbul aparılmayacaq”.AMEA-nın Elm və Təhsil İdarəsinin rəisi Fail Kazımov deyib ki, bu il bəzi səbəblərdən plan yerləri boş qalıb: "Nazirlər Kabinetinin qərarı ilə bu ildən dissertantlar ilk dəfə olaraq xarici dildən imtahan veriblər.İkinci səbəb isə,ən azı 2 il elmi-təşkilatı fəaliyyətlə məşğul olan şəxslərin sənəd verə bilməsidir. İndi dissertant olmaq istəyənlər azı 2 il elmi və ya elmi-pedoqoji iş stajına malik olmalıdır”.Qeyd edək ki, fəlsəfə doktoru hazırlığı üzrə doktoranturada 35, elmlər doktoru hazırlığı üzrə doktoranturada 8, fəlsəfə doktoru hazırlığı üzrə dissertanturada 163, elmlər doktoru hazırlığı üzrə dissertanturada 20 plan yeri boş qalıb.
Fərid Mehdiyev